أكد رئيس حزب القوات اللبنانية سمير جعجع أن: "لبنان يلي بدنا ياه نحنا مش لبنان المسيرات خارج إطار الشرعية، ولا لبنان الالغام والاغتيالات، لبنان يلي بدنا ياه نحنا هو لبنان التطور والتقدم والعلم والنجاح".

وتابع جعجع "انتو حوّلتو لبنان لجهنم من ورا فشلكن وصفقاتكون، لبنان يلي وصّلتونا علي مش هوّي لبنان يلي بدنا ياه، لبنان يلي بدنا ياه نحنا هوي لبنان الكرامة والحرية والثقافة والبحبوحة، هوي لبنان السلام والانفتاح، هوي لبنان الفن".

وشدد على أن "شعب لبنان ما بحياتو ركع ولا بحياتو خضع، كل حياتو خاض معاركو بايدو… وانتصر. فيكون تغشو الشعب اللبناني يوم وتنين وسنة وتنان، بس مش عاطول".

وأضاف بيقولوا: بس اتفاق مار مخايل جنّب لبنان حرب اهلية. أنا هالنقطة صراحةً ما فهمتا عم بيقولوا أنّو يا منمشي متل ما بدّو حزب الله، يا بيعملوا علينا حرب اهلية؟ هالمنطق مش مقبول، وما حدا فيه يخضِع حدا بلبنان.

ولفت جعجع على أن "هيدا منطق ضد كل شي اسمو تعايش بلبنان، ضد كل شي اسمو ميثاق، ضد كل شي اسمو حريّات، ضد كل شي اسمو قانون او دستور".

وختم جعجع "بس هنّي بكل وقاحة مكملين لأنن مفتكرين انو شعب لبنان مخدّر وتعبان ومش قادر بقا يقول لأ. بس نسيو انو لبنان بكل تاريخو ما قدرت عليه لا إمبراطوريات كبيرة، ولا سلطنات، فكيف بدّو يقدر عليه تحالف ميليشيا مع فساد".