طرحت الوزير السابقة، ندى البستاني، مجموعة من الأسئلة على عضو كتلة "التنمية والتحرير"، النائب ياسين جابر، رداً على تصريحات أدلى بها جابر لموقع "أساس ميديا".
وفي سلسلة تغريدات عبر حسابها على "تويتر" أرفقتها بهاشتاغ "للمصداقية فقط"، كتبت البستاني: "سعادة النائب ياسين جابر، بفهم تركيزك الدائم عتطبيق القانون 462 بس لمصداقيتك فيك توضح للناس النقاط التالية:
１- ليش ما عينتوا هيئة ناظمة من 2002 لـ 2009 وخاصةً مع الوزيرين محمد بيضون وأيوب حميّد؟
２- حضرتك عم بتابع القوانين يلي ما تطبقت، ليش ما شفنا التركيز نفسو عتطبيق القانون 181/2011 فقرة 10 يلي بتضمن التعديلات عالقانون 462؟
３- إذا منكن معترفين بالتعديلات بالرغم من صدور القانون 181، ليش اشتغلتوا معنا 3 سنين علين عبر نواب ومستشارين؟
４- إذا مظبوط متل ما عم بتقول إنو اعضاء الهيئة الناظمة ما الن علاقة بالسياسة (انشالله بتصير مع انو ولا مرّة صايرة)، كيف رح تعينوا رئيس واعضاء الهيئة ومن أي طائفة وأي توازنات رح تراعوا؟
５- فيك تفسر اصراركن على المادة 45 يلي بتثبت مئات المياومين بقطاع الكهرباء بعكس توجهات صندوق النقد؟
６- شو انعكاس تعيين الهيئة الناظمة على تحسن وضع الكهرباء؟ وقدي الوقت المطلوب لتتحسن الكهرباء؟
شكراً مسبقًا عجوابك عكل هالأسئلة".