بعد توقيف عميد في عين دارة... تسريبات لتسجيلات صوتية وهذا ما جاء فيها

بعد توقيف عميد في عين دارة... تسريبات لتسجيلات صوتية وهذا ما جاء فيها

انتشرت ليل أمس، عبر تطبيق واتساب، تسجيلات صوتية عن مجموعة رجال من التيار الوطني الحر من منطقة عين دارة، جاء فيها التالي:

فادي يمين: "مرحبا رفاق، يعطيكم العافية. نحنا عنا موقوف بمخفر بحمدون ونحنا كتيار وطني واجباتنا نعمل وقفة احتجاجية قدام المخفر كتيار، هيدا رأيي. واذا في مجال البلدية تساندنا لأن الها بالعادي كان في حدا يتوقف من عين دارة وتجي كل عين دارة توقف حدو وقفة احتجاجية سلمية. هيدا أنا رأيي اذا في تيار بعين دارة أصلاً واذا في كرمة لعين دارة لازم العميد سليمان يمين يطلع من النظارة بأقرب وقت. ونحنا كمان منا زقيفة بعين دارة ونحنا النا وجودنا بعين دارة. وبتمنى على كل حدا عندو اتصال بالبلدية أو بدكم نحنا لحالنا كتيار وطني وكولاد عين دارة نعمل وقفة احتجاجية قدام مخفر بحمدون بكرا. حددوا الموقع واذا موافقين اي أو لاء".

طوني بو فيصل: "مرحبا خيي فادي ومرحبا للجميع. في خبرية حلوي الليلي. العميد يمين انشغل على انو يكون بالمستشفى ما يضل موقوف والليلي انشالله وهاي عم زفلكم خبر والليلة رح بكون بالمستشفى، الليلي رح يطلع من النظارة وبلغوا الخبر للكل".

مالك يمين: "طوني أنا كنت بـ عاليه وشفتو لسيزار بالليل وعرفنا انو غادة عون ما عم بترد عحدا، هيدا شي صار معروف. ولكن أنا عم بحكيكم على هيدا الغروب. وهيدا الغروب ما اسمو لا آل أبو فيصل ولا آل يمين ولا آل بدر، هيدا الغروب اسمو تيار عين دارة يعني هيدا الغروب اذا هوي ما تفاعل وقال نحنا حاضرين لحتى ننزل نعمل هالوقفة وأنا بعدني عم بحكي على صعيد حزبي ولا على صعيد ضيعة ولا على صعيد عائلي، اذا نحنا عم نحكي على صعيد حزبي وما فيتفاعل! هيديك الخطوات الثانيي اذا بدها تنعمل بتنعمل بغير التحالف الحزبي. يعني نحنا اليوم عم نحكي على صعيد تيار عين دارة".